“மகளிர் நலன்” குறித்த கலந்துரையாடல், சென்னை பெருநகர காவல் ஆணையாளர் பங்கேற்பு

Admin

சென்னை : இந்திய வர்த்தக சம்மேளன கூட்டமைப்பு (FICCI) பெண்கள் பிரிவில் (FLO) 6800 பெண் தொழில் முனைவோர் மற்றும் தொழில் வல்லுநர்கள் ஆகியோர் உறுப்பினர்களாக உள்ளனர். இந்த அமைப்பு பல்வேறு கருத்தரங்கங்கள், மாநாடுகள், பயிற்சி மற்றும் திறன் மேம்பாட்டு நிகழ்ச்சிகள் மூலமாக இப்பெண்களின் திறன் மேம்பாட்டை வளர்த்து வருகின்றனர்.

5-11-2019 அன்று இந்த அமைப்பு சென்னை கிரவுன் பிளாசா ஓட்டலில் ‘நேருக்கு நேர்’ நிகழ்ச்சி ஒன்றை திருமதி.தீபாளி கோயல் தலைமையில் நடத்தியது. இதில் தில்லியை சேர்ந்த திரு.ஹர்ஜென்டர் கவுர் கலந்துகொண்டார். இந்த அமைப்பின் உறுப்பினர்கள் சென்னை பெருநகர காவல் ஆணையாளர் முனைவர்.திரு.அ.கா.விசுவநாதன் இ.கா.ப. அவர்களிடம் “காவலர்களின் நலன்” என்ற தலைப்பில் கலந்துரையாடினர். சமூகம் மற்றும் அரசு நிறுவனங்களுக்கு இடையேயுள்ள இடைவெளியை நிரப்பி சம்பந்தபட்டவர்களின் குறைகளை நிவர்த்தி செய்வது இந்த கூட்டத்தின் நோக்கமாகும்.

ஒவ்வொரு பெண் காவலர்களுக்கும் ஒட்டுமொத்த உடல் மற்றும் நல ஆரோக்கியத்தை மேம்படுத்தி குடிமக்கள் மற்றும் காவல் துறையினருக்கு இடையே உள்ள பல கருத்து வேறுபாடுகளை நீக்கி ஒரு இணக்கமான சமுதாயத்தை உருவாக்கும் நோக்கிலும் இந்த கூட்டம் நடத்தப்பட்டது. இந்த பெண்கள் பிரிவின் தலைமையில் கீழ்கண்ட முடிவுகள் எடுக்கப்பட்டன.


1. அவர்களது நலன் மற்றும் திறமைகளை மேம்படுத்தும் நோக்கில் அவர்களுக்கு மென்திறன் மேம்பாட்டு பயிற்சி அளித்தல்.
2. ஒவ்வொரு பெண் காவலருக்கும் தனிப்பட்ட ஆலோசனை வழங்குதல்
3. ஒவ்வொரு காவல் நிலையத்திலும் புகார்தாரரோடு வரும் குழந்தைகள் விளையாட தனி இடம் ஒதுக்குதல்
4. அம்மா ரோந்து பணிக்காக ஒவ்வொரு பெண் காவலர்களுக்கும் வாகனம் இயக்குவதில் பயிற்சி அளித்தல்
5. குடிசைப் பகுதிகளிலுள்ள பெண் குழந்தைகளின் தன்னம்பிக்கையை உயர்த்தி அவர்களது திறமையை வளர்க்க துணை ஆணையர் தலைமையில் இயங்கும் பெண்கள் மற்றும் குழந்தைகளுக்கு எதிரான குற்றங்களை தடுக்கும் பிரிவினருக்கு உறுதுணையாக இருக்கும்
6. பாதுகாப்பு நலன் கருதி காவலன் செயலி குறித்து பொதுமக்களிடையே விழிப்புணர்வு ஏற்படுத்துதல்
FLO அமைப்பு இதுவரையில் 214 காவல் ஆளிநர்களுக்கு மென்திறன் பயிற்சி அளித்துள்ளது. 11 அனைத்து மகளிர் நிலையங்களை சேர்ந்த 71 பெண் காவல் ஆளிநர்களுக்கு தனிப்பட்ட முறையில் ஆலோசனைகள் அளிக்கப்பட்டு அவர்கள் பயனடைந்துள்ளனர். இந்த ஆலோசனைகள் சென்னை சமூக சேவை நிறுவனத்தின் (MSSW) அங்கீகரிக்கப்பட்ட 8 அதிகாரிகள் மூலம் இந்த ஆலோசனைகள் வழங்கப்பட்டது. FLO அமைப்பின் சென்னை பிரிவு, சென்னை பெருநகர காவல் ஆணையாளர் திரு.அ.கா.விசுவநாதன், இ.கா.ப அவர்கள் இந்த பயிற்சியை அளிக்க தங்களுக்கு முழு ஒத்துழைப்பு அளித்ததற்கு நன்றி தெரிவித்தனர்.

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Next Post

மாணவர்களை நல்வழிப்படுத்த பாளைங்கோட்டை ஆய்வாளரின் நூதன முயற்சி

36 திருநெல்வேலி: நெல்லையில் இரு பள்ளி மாணவர்கள் மோதல், விசாரணைக்கு அழைத்து வந்த 45 மாணவர்களை 1330 திருக்குறள் எழுதிவிட்டு செல்லுமாறு பாளையங்கோட்டை காவல் ஆய்வாளர் தில்லைநாகராஜன் உத்தரவு  பிறப்பித்துள்ளது சமூக வலைதளங்களில் அனைவரின் பாராட்டையும் பெற்றுள்ளது. கடந்த இரு நாட்களுக்கு முன்பு திருநெல்வேலி வ.உ.சி மைதானத்தில் நடைபெற்ற விளையாட்டு போட்டிகளுக்கு பிறகு நெல்லையில் புகழ்பெற்ற இரு பள்ளி மாணவர்கள் வாக்குவாதத்தில் ஈடுபட்டு ஒருவொருக்கொருவர் சண்டையிட்டுக் கொண்டனர் . மாணவர்கள் எதிர்காலத்தை […]

மேலும் செய்திகள்

error: Content is protected !!
Bitnami