பணியின் போது இறந்த காவலரின் வாரிசுகளுக்கு அரசு துறைகளில் பணி ஒதுக்க ஏற்பாடு

Admin
0 0
Read Time3 Minute, 36 Second

தமிழக காவலில் பணியின் போது இறந்தவர்களின், வாரிசுகளுக்கு, அரசின் பிற துறைகளில், பணி ஒதுக்கீடு செய்வதற்கான ஏற்பாடுகளை மேற் கொள்ளுமாறு, காவல் கண்காணிப்பாளர்கள், மாநகர காவல் ஆணையர்களுக்கு, டி.ஜி.பி., திரு.ராஜேந்திரன் உத்தரவிட்டுள்ளார்.

தமிழக காவலின், நான்கு மண்டலங்கள், 12 சரகங்கள், 32 கண்காணிப்பாளர்கள், ஆறு ஆணையர்கள், சிறப்பு பிரிவுகளில் பணியின் போது இறந்தவர்களின் வாரிசுதாரர்கள், காவலில் பணி ஒதுக்க கோரி விண்ணப்பித்து காத்து இருக்கின்றனர்.

இது குறித்து, டி.ஜி.பி., திரு.ராஜேந்திரன், அனைத்து மாவட்ட, கண்காணிப்பாளர்கள், ஆணையர்களுக்கு உத்தரவு பிறப்பித்துள்ளார். காவலில் ஆண்டு தோறும், 300 முதல், 400 பேர் பணியில் உள்ள போது மரணத்தை சந்திக்கின்றனர்.

அவர்களின் வாரிசுதாரர்களுக்கு, ஆண்டு தோறும் பணி ஒதுக்க முடியாததால், பணிக்காக காத்திருப்போரின் எண்ணிக்கை, கடந்த, ஜன.,31 நிலவரப்படி, 3,076 ஆக உயர்ந்துள்ளது.இவர்களின் குடும்பத்தின் நலன் கருதி, மாவட்ட எஸ்.பி.,க்கள், மாநகர காவல் ஆணையர்கள், இவர்கள் மீது சிறப்பு கவனம் செலுத்த வேண்டும்.

தமிழகத்தின் அனைத்து மாவட்டங்களில் உள்ள, அரசுத்துறை தலைவர்கள், பொறுப்பாளர்களை தொடர்பு கொண்டு, அந்த துறைகளில், கருணை அடிப்படையில் உள்ள காலிப்பணியிடங்களில், காவலின் வாரிசுதாரர்களில் காத்திருப்பவர்களுக்கு பணி ஒதுக்க நடவடிக்கை எடுக்க வேண்டும்.

இது தொடர்பாக, மாவட்ட கலெக்டர்களை, கண்காணிப்பாளர்கள், ஆணையர்கள் நேரில் சந்தித்து, காலிப் பணியிடங்களில், காவலின் வாரிசுகளுக்கு பணி ஒதுக்கீடு செய்ய கோரிக்கை விடுக்க வேண்டும். இவ்வாறு உத்தரவில் கூறியுள்ளார்.

சென்னைக்கு முதலிடம் காவலின் வாரிசு வேலைக்காக காத்திருப்போரின் எண்ணிக்கையில், சென்னையில், 676 பேர் உள்ளதால், தமிழக அளவில் முதலிடத்தையும், மதுரை, 214, மதுரை மாநகரம், 4 பேர், என மொத்தம், 218 பேருடன் இரண்டாமிடத்தையும், திருநெல்வேலி, 147 பேர், மூன்றாமிடத்தையும், திருச்சி, 144 பேர் நான்காமிடத்தையும் பெற்றுள்ளன. சேலம்,93 பேர், சேலம் மாநகரம், 4 பேர், ஈரோடு,69 பேர், நாமக்கல்,20 பேர், தர்மபுரி,50 பேர், கிருஷ்ணகிரி,43 பேர் வேலைக்காக மனு அளித்து விட்டு காத்திருக்கின்றனர்.

காத்திருப்போர் விபரம் :

பணியின் தரம் காத்திருப்போர் எண்ணிக்கை
இளநிலை உதவியாளர் – 2,867
தட்டச்சர் – 46
அலுவல உதவியாளர் – 116
துப்புரவு பணியாளர் – 47
மொத்தம் – 3,076

About Post Author

Admin

Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Next Post

ரவுடிகள் கொடூர கொலைகள் செய்யும் போது மனித உரிமை பிரச்சனை எழுவதில்லை - ராமநாதபுரம் ADSP வெள்ளத்துரை

720 மதுரை: மதுரையில் இரண்டு ரவுடிகள் என்கவுன்டர் மூலம் சுட்டுக்கொல்லப்பட்டுள்ள நிலையில் , எந்த மாதிரியான சூழ்நிலைகளில் போலீசார் துப்பாக்கி சூடு நடத்துகின்றனர் என்று ராமநாதபுரம் ஏ.டி.எஸ்.பி […]

மேலும் செய்திகள்

Instagram did not return a 200.

Get News on Whatsapp

by send "Subscribe" to 7200024452
error: Content is protected !!
Open chat
Join Us !
Bitnami